Еліміздегі мектептерде III тоқсанның аяқталуына бір апта қалды. Биыл оқушылардың көктемгі демалысы 11 күнге созылады,деп жазды KYN.KZ  тілшісі.

Оқу-ағарту министрлігінің каникулдар кестесіне сәйкес, көктемгі каникул 21 наурыздан 31 наурызға (қоса алғанда) созылып, жалпы саны 11 күнді құрайды.

IV  оқу тоқсаны 1 сәуір – дүйсенбі күні басталады. IV тоқсан 8 оқу аптасын құрайды.

2024 жылдың наурыз айында қазақстандықтар 14 күн демалады. 21-23 наурыз – Наурыз мейрамы. 23 наурыз сенбіге сәйкес келеді, сондықтан демалыс күні 25 наурызға ауыстырылды. Сәйкесінше, Наурыз мерекесінде қазақстандықтар 5 күн қатарынан демалады.