Қонаев қаласында оқу-жаттығу кезінде граната жарылып, екі полиция қызметкері жарақат алды, деп хабарлайды KYN.KZ ақпарат агенттігі.

Полигондағы оқу-жаттығу кезінде граната атылып, екі полиция қызметкері жарақат алғаны туралы БАҚ беттерінде ақпарат тарады. Осыған байланысты Алматы облысының полиция департаменті мәлімдеме жасады.

"Оқу полигонында жаттығу сабақтары кезінде жарық-шу гранатасы пайдаланылып, облыстық департаменттің екі қызметкері дене жарақатын алғанын хабарлаймыз. Нәтижесінде олардың біреуі қалалық ауруханаға жатқызылды”, – деп хабарлайды Алматы облысының Полиция департаментінен.