Салтанат Нүкенованың өліміне қатысты сотталған Қуандық Бишімбаевтың бұрынғы әйелі Назым Қаһарман балаларының әкесі және ата-әжесімен кездесуіне қарсы, деп хабарлайды KYN.KZ тілшісі.

Бұл туралы ол Instagram әлеуметтік желідегі парақшасында оқырмандарының сұрақтарына жауап ретінде айтты.

«Сіз болашақта балаларыңыздың ата-әжесімен, әкесімен араласуына рұқсат бересіз бе?» деп сұраған оқырмандары. Назым Қаһарман бұл сұраққа үзілді-кесілді «жоқ» деп жауап берген.

«Жағдайдың бәрін ескере отырып «ЖОҚ» деймін. Балаларымның жүрегі мен санасын зорлық-зомбылықты ақтау туралы ойлармен мазалағым келмейді», - деп жазды Назым Қаһарман.

Еске сала кетейік, Назым Қаһарман мен Қуандық Бишімбаевтың ортақ некелерінен 3 бала бар. Бишімбаев Нүкенованың өліміне қатысты кінәлі деп танылып, 24 жылға бас бостандығынан айрылды.