Атырауда адамды ұрып өлтіру: күдіктінің бұрын да сотты болғаны белгілі болды
- автор Томирис Тоныкөк
- 20 маусым, 2024
- 285
![Атырауда адамды ұрып өлтіру: күдіктінің бұрын да сотты болғаны белгілі болды](https://kyn.kz/uploads/resized-images/2024/06/1718854764.webp)
Атыраудағы базарда 56 жастағы ер адамды ұрып өлтірді деп айыпталған азаматқа қатысты жаңа мәліметтер пайда болды, деп хабарлайды KYN.KZ ақпарат агенттігі.
Анықталғандай, ер адам осыдан 4 жыл бұрын осыған ұқсас қылмысы үшін - денсаулыққа қасақана ауыр зиян келтіру бойынша сотталған болып шықты.
«Атырау қаласының №2 сотының 2020 жылғы 18 маусымдағы үкімімен Ахмедов Мұхтар ҚК-нің 106-бабының 1-бөлігімен (Денсаулыққа қасақана ауыр зиян келтіру) кінәлі деп танылып, оған 3 жыл 6 ай бас бостандығынан айыру жазасы тағайындалды. Сотталушыға үкім процестік келісім шеңберінде тағайындалады. Жаза тағайындау кезінде қылмысы үшін өкінуі және қамқорлығында жас балалардың болуы сотталғанның жазасын жеңілдететін мән-жай деп танылмады», - деп хабарлады Атырау облыстық сотының баспасөз қызметі.
Кейін Атырау қалалық пробация қызметі рақымшылыққа байланысты негізгі жаза мерзімін қысқарту туралы ұсыныспен сотқа жүгінген. Атырау қаласының N 2 сотының 2022 жылғы 20 қаңтардағы қаулысымен Атырау қаласының пробация қызметінің ұсынысы қанағаттандырылды. Сотталған Ахмедовтың жазасының өтелмеген бөлігі 7 ай 18 күнге қысқартылды.
«Сотталушы шартты түрде мерзімінен бұрын босату туралы сотқа жүгінді. Атырау қаласының N 2 сотының 2022 жылғы 26 шілдедегі қаулысымен сотталушының өтінішхаты қанағаттандырылып, бас бостандығын шектеудің қалған мерзімін – 7 ай 27 күнді одан әрі өтеуден шартты түрде мерзімінен бұрын босатылды», - деп қосты облыстық сот.