Алматы прокуратурасы суицид жасауға итермелейтін мазмұндағы Telegram-арнаны анықтады, деп хабарлайды KYN.KZ ақпарат агенттігі.

Бас Прокурордың тапсырмасын орындау мақсатында Алматы прокурорлары күйзеліске бейім контенті бар Telegram-арнасын бұғаттау шараларын қабылдады.

"Тексеру барысында 67 оқырман админнен суицидке бағытталған рөлдік командалар алғаны анықталды. 2024 жылы 23 қыркүйекте сот, Алмалы ауданы прокурорының деструктивті чатқа тыйым салу туралы талабын қанағаттандырды. Сот шешімі дереу Мәдениет және ақпарат министрлігіне орындауға жолданды", - делінген хабарламада.

Алматы прокуратурасы ата-аналарға интернетті қолдануда жауаптылықпен қараудың маңыздылығын еске салады, күдікті контент анықталған жағдайда құқық қорғау органдарына жүгіну қажет.