"Қазгидромет" синоптиктері алдағы үш күнге 17, 18 және 19 қазанға арналған ауа райы болжамын жасады, деп хабарлайды KYN.KZ ақпарат агенттігі.

Қазақстанның біршама бөлігінде алдағы күндері ауа райы жауын-шашынды болады.

17 қазанда оңтүстік-шығыстың таулы аудандарда қар аралас қатты жауын-шашын күтіледі. Еліміздің батыс бөлігінде жаңбыр жауады. 18 қазанда қатты жаңбыр жауып, күндіз найзағай ойнайды.

Еліміздің солтүстік облыстарында суық антициклонның әсерінен ауа райы жауын-шашынсыз болады және күн суытады. Қазақстан бойынша жел күшейіп, түнде және таңертең тұман түседі. Таулы аймақтарда көктайғақ болуы ықтимал.