27 қазанда Алматының ортасында ер адам екі тұрғынды пышақпен жаралады, деп хабарлайды KYN.KZ ақпарат агенттігі.

Куәгерлердің айтуынша, сағат 15:00 шамасында Дунаевский мен Жароков көшелері қиылысында пышақ жарақатын алған ер адам жаяу жүргіншілерден көмек сұраған. Ал жараланған біреуі Дунаевский көшесіндегі орындықта отырып қалған.

Алматы полиция департаменті күдікті ұсталғанын мәлімдеді.

"Бостандық аудандық полиция басқармасы дене жарақатын салу дерегі бойынша қылмыстық іс қозғады. Күдікті ұсталды және уақытша ұстау изоляторына қамалды. Алдын ала мәліметтер бойынша, бейтаныс ер адамдар арасында жанжал болған", - деп хабарлады ведомство.