Атырау облысында жеке үйде болған өрт болып, екі адам көз жұмды. Ал екі адам аудандық ауруханада жатқызылды, деп хабарлайды KYN.KZ ақпарат агенттігі.

Оқиға 11 қараша күні таңғы сағат 5 шамасында Құрманғазы ауданына қарасты Ақкөл ауылында орын алған.

Өрт кезінде 66 жастағы анасы мен оның 35 жастағы ұлы қаза тапты. Ал 58 жастағы ер адам екі қолынан күйік алып, 5 жастағы немересі түтіннен улану белгілерімен аудандық ауруханаға түсті.

“Өрт 5:52-де ауыздықталып, толықтай 6:30-да сөндірілді. Өрттің шығу себептері анықталуда. Өртті сөндіруге Атырау облысы Құрманғазы ауданы №7 Өрт сөндіру бөлімінің тоғыз қызметкері, екі техника бірлігі және «GRWORLD» ЖШС-нен үш адам мен бір техника бірлігі жұмылдырылды”, – деп хабарлады Атырау облысы ТЖД баспасөз қызметі.