Бұрынғы имам әйелін үйінде қамап ұстап, ешкіммен араластырмай келген, деп хабарлайды KYN.KZ ақпарат агенттігі

Ақтөбе облысы Қандыағаш қаласында бұрынғы имам, қазіргі теолог әйелін ұрып-соққан. Тіпті туыстарымен араластырмай, дінмен қорқытып отырыпты.

Келіншектің сіңлісінің айтуынша, жездесі әпкесіне жындар мен тозақ туралы әңгіме көп айтқан. Сөйтіп оны адам танымастай өзгертіп тастаған. Зорлық-зомбылыққа ұшыраған келіншек ауырып қалған. Ал күйеуі медициналық қызметке жүгінбей, дін жолымен емдемекші болыпты. Соңында жағдайы одан сайын нашарлай түскіпті.

«Сап-сау әпкемді жездем ұрып, жынды етіп қойды. Әпкемнің түк жазығы жоқ еді. Өте жуас болатын. Тіпті, дінді жақсы ұстанады. Бөтен ер адамдармен сөйлеспейтін. Жолдасы мектеп кезіндегі достарымен сөйлесуге тыйым салған. Туыстары бар чаттан шығарып жіберген. Әпкем еріне бағынған инабатты келіншек болды. Ал соңында өзі далада қалды», - дейді сіңлісі.

Қазіргі кезде әпкесі 4 баласымен өзінің қасында екенін айтады.