Белгілі продюсер Баян Мақсатқызы екі рет сотта жеңілген журналист Дана Орманбаеваға бақыт тілейтінін айтты, деп хабарлайды KYN.KZ ақпарат агенттігі.

Бұл туралы ол тележүргізуші Дина Төлепбергенге берген сұхбатында жауап берді.

Еске салсақ, продюсер мен журналист арасындағы дау сотқа дейін жеткен болатын.

“Данаға бақыт тілегім келеді. Шынымды айтсам, оған жаным ашиды. Оны құшақтап, "Дана, бақытты болшы. Шынымен бақытты бол. Өзіңе қатысы жоқ шындықты іздеудің қажеті жоқ. Әркімнің өз шындығы бар" дегім келеді. Мен онымен тек заң бойынша ғана байланысамын. Әрине, онымен заңгерлерім сөйлеседі. Бірінші сот менің пайдама шешілді, енді екінші іс қаралып жатыр, – деді Баян Алагөзова.