Еліміздің 13 қаласында ауа ластанады. Мамандар науқас адамдарға өте абай болуды ескертеді, деп хабарлайды KYN.KZ ақпарат агенттігі КТК жаңалықтарына сілтеме жасап.

Синоптиктердің болжамынша, Астана, Алматы, Қарағанды, Ақтөбе, Теміртау, Өскемен, Риддер, Семей, Шымкент, Павлодар, Қостанай, Көкшетау мен Петропавлда ауа ластанады. Атмосферадағы зиянды қоспа көлемі әдеттегіден жоғары болуы мүмкін. Мұндай ауа райы өкпенің созылмалы аурулары, жүрек-қан тамырлары және аллергиясы бар адамдарға қауіпті екен. Сондықтан сырқаты бар адамдар дәрі-дәрмекті өзімен бірге алып жүргені абзал.

«Қолайсыз метерологиялық жағдайлар атмосфералық беткі қабатында зиянды заттардың шоғырлануына ықпал ететін қысқа метеорологиялық факторлардың жиынтығы. Атап айтсақ, тымық ауа райы, жеңіл жел, тұман инверсия. Қолайсыз метеорологиялық жағдайында елді мекендегі атмосфералық ауаның сапасы нашарлауы ықтимал», - дейді «Қазгидромет» РМК экология мониторингі басқармасының жетекші маманы
Гүлзат Шерубаева.