Ақтау маңында апатқа ұшыраған ұшақтан аман қалған Қырғызстан азаматы Ринат Асанов ауруханада комадан шықты, деп хабарлайды KYN.KZ ақпарат агенттігі.

Қырғызстандық ТЖМ дәрігерлер мен жәбірленушінің ағасы жігітпен сөйлесіп жатқан кездегі жантебірентерлік видео жариялады. Бейнежазбадан Ринаттың ағасы қуаныштан көзіне жас алып, оны сүйіп жатқаны көрінеді. Ол бірнеше күннен бері комада жатты.

«Жыламаңыз», - дейді дәрігерлердің бірі.

«Жүрек соғысы жиілеп кетті», - деді оператор.

Мамандар аман қалған жігітке еш алаңдамауын айтып, бәрі жақсы болатынын жеткізді.

"Ағаңды танисың ба? Бәрі жақсы болады. Жазыласың, тойлайсыңдар. Уайымдама. Шыдамды бол", - деді қазақстандық дәрігерлер.

Сауыққаннан кейін Қырғызстан азаматы үйіне жіберіледі.