Алматы тауларында қар көшкінінен бір адам қаза тапты, деп хабарлайды KYN.KZ ақпарат агенттігі.

17 наурызда Алматы ТЖД 112 пультіне "Шымбұлақ" тау шаңғысы курортының диспетчерінен курорттан бір шақырым жерде орналасқан Комсомол шыңы маңында көшкін жүргені туралы хабарлама түскен.

Үш шаңғышы тыйым салынған жерде шаңғы тепкен.

"Үшеуі де көшкін астында қалған. Екі жәбірленуші өз бетінше шыға алған, үшінші адамды "Шымбұлақ" құтқарушылары қар астынан алып шықты. Зардап шеккендердің жеке басы анықталады", - деді Алматы қаласы бойынша ТЖ департаменті өкілі.