Атыраулық жігіт өзін 4 еркектің зорлағанын айтты. Бұл туралы ол журналист Гүлмира Әбіқайға берген сұхбатында әңгімелеп берді, деп хабарлайды KYN.KZ ақпарат агенттігі.

Бауыржан бұл оқиға туралы біреуге айтудае қорыққан. Оны 5 жасында ауладағы ересек жігіттер бірнеше рет зорлаған. 

«Шамамен 5 жасымда маған ауладағы ересек жігіттер бірнеше рет сексуалды зорлық-зомбылық көрсетті. Бұл оқиғаны біреуге айтуға қорықтым. Қазірдің өзінде айту өте қиын. Бала кезімде ата-анам үнемі жұмыста болды. Мен балабақшадан кейін және демалыс күндері жалғыз қалатынмын. Осыны пайдаланған төрт ересек жігіт мені бірнеше рет зорлады. Біреуінің есімін атай алмаймын. Қалған үшеуінің есімі: Аслан, Бауыржан, Расул. Ауламызда балалар жиналатын жабық жер болатын. Мені сол жерге шақырып алып, жаман ойларын жүзеге асырды. 5 жасымда не болып жатқанын дұрыс түсінбейтінмін. Олардың бұл әрекеттері жылға дейін болды. Өйткені әке-шешем мені демалыс күндері көрші әжеге тастап кететін болып шешті. Оған дейін сенбі және жексенбі күндері қараусыз жүретін едім», — дейді ол.

Бұл оқиғаны ешкімге айта алмаған ол тұйықтала бастаған. Тіпті кейіннен зорланғанын білген кейбір жігіттер одан ақша бопсалаған. 

«Мені зорлаған төрт жігіттің біреуі айтқан ба екен, солармен жасты бір жігіт менен ақша бопсалай бастады. Ақша бермесең болған оқиғаны айтып беремін деп қорқытты. Ақша апарып бергенімде, ол өзінің жыныс мүшесін шығарып, аузыңа сал деді. Мен ақшаны тастай сала қашып кеттім. Бірақ осыдан кейін ол менен ақша жиі сұрайтын болып алды”, - дейді Бауыржан.

Тек ол ғана емес, басқа жігіттер де ақша бопсалай бастаған. Айтуынша, ешкімге бұл оқиғаны айтпауы үшін осы уақытқа дейін ақша беріп келген. 

“Айына 10 мыңнан бастап 800 мыңға дейін алып жүрді. Қарызға кіріп кеттім, кәсібім дұрыс жүрмей қалды. Содан соң суицид туралы ойлана бастадым. Осы мәселені айтып жеңілдегім келді. Мұндай жағдай кез келген баланың басынан өтуі мүмкін», — дейді ол.