Талғарда аса қатыгездікпен өлтірілген Шерзат Полат отбасының адвокаты Мейірман Шекеев күдікті Дархан Әскентайдың жауабына қатысты пікір білдірді, деп хабарлайды KYN.KZ ақпарат агенттігі.

«Прокурор оған (Дархан Әскентайға – ред) дұрыс ескерту жасап отыр. Себебі сотта тергеу барысында анықталған мән-жайлар ғана қаралады. Ал ол бүгінгі сотқа келіп кастет туралы айтып отыр. 10 рет тергеуден өткен кезде айтпай, бүгінгі сотта айтып отыр. Сот оған назар аударады деп ойламаймын. Қазірдің өзінде айыпталушы жалған сөйлеп отыр деп ойлаймыз», – деді адвокат.

Бүгінгі сот отырысында Дархан Әскентай марқұм Шерзат өзін ұрғанын айтқан болатын.