Алматыда 10 тамызда жоспарланған Дженнифер Лопестің концерті өтетін болды, деп хабарлайды KYN.KZ ақпарат агенттігі.

Концерт ұйымдастырушылары Алматы қаласының спорт нысандары дирекциясы және "Қайрат" футбол клубының басшылығымен келісімге келді.

Олар "Қайрат" – "Жеңіс" матчын 2025 жылдың 21 қыркүйегіне ауыстыру туралы келісті.

"Бұл шешім Дженнифер Лопестің концертін бұрын жарияланған мерзімде өткізуге мүмкіндік береді және футбол мен мәдени іс-шара көрермендері үшін қолайлы жағдайды сақтап қалуға септігін тигізеді", – делінген хабарламада. 

Дженифер Лопестің концертінің билеттері 28 мамыр күні сағат 10:00-ден бастап сатылымға шығады. Билет бағасы 40 мың теңгеден басталады.