Қазгидромет 17, 18 және 19 маусым күндеріне арналған ауа райы болжамын жасады, деп хабарлайды KYN.KZ ақпарат агенттігі.

Елімізде тұрақсыз ауа райы қалыптасып, найзағай, жаңбыр, екпінді жел күтіледі. 18-19 маусымда солтүстік-батыста, солтүстікте жаңбыр жауады, бұршақ болуы мүмкін.

Солтүстік-батыста, солтүстікте түнгі ауа температурасы 17-25-тен 15-23 градусқа дейін, күндіз 25-35-тен 20-31 градусқа дейін төмендейді.

Республиканың орталығында түнде 18-25-тен 15-22 градусқа дейін төмендейді, күндіз 17-18 маусымда қатты ыстық 35-39 градус, облыстың оңтүстігінде аптап 42 градус, 19 маусымда 27-32 градусқа дейін төмендейді.