Қазақстанның Еңбек және халықты әлеуметтік қорғау министрі Светлана Жақыпова өзінің жастайынан жұмыс істегенін айтты, деп хабарлайды KYN.KZ ақпарат агенттігі. 

Ол журналистердің егер өзі қазір зейнетке шықса, қанша зейнетақы төлемін алатыны жайында қойған сұрағына жауап берді.

"Үш түрлі төлем ала аламын. Себебі менің 1998 жылға дейінгі еңбек өтілім бар. 10-сыныптан кейін, 16 жасымнан бастап жұмыс істедім. Сәйкесінше, Бірыңғай жинақтаушы зейнетақы қорында жинақтарым мен базалық зейнетақым бар", – деп жауап берді Жақыпова.

Бірақ министр зейнетке жеткенде өзінің қанша зейнетақы алатынын айтпады. 

"Егер мен бүгін зейнетке шықсам, менің базалық зейнетақым шамамен 32 мың теңге болар еді. Бірақ орташа есеппен бұл – 47 мың теңге болады", – деді Еңбек министрі.