Ғылым және жоғары білім министрі Саясат Нұрбек Назарбаев Университеті жатақханасынан мәйіті табылған студент қыздың өліміне қатысты пікір білдірді, - деп хабарлайды KYN.KZ ақпарат агенттігі. 

Министрдің полиция бұл істі Қылмыстық кодекстің 105-бабы бойынша ("Өз-өзіне қол жұмсауға дейін жеткізу") тергеп жатқанын мәлім етті. 

"Қазір Қылмыстық-процестік кодекс аясында ешқандай мәліметтер жарияланбайды. Біз тек полициямен бірлесіп жұмыс істеп жатқанымызды растай аламыз", – деді Нұрбек.

Журналистер министрге оқиға студенттер арасында болған жанжал салдарынан болуы мүмкін бе деп сұрады.

"Ештеңе айта алмаймыз. Тергеу аясында қосымша ақпаратты полиция департаменті береді деп келісілген", – деді шенеунік.

Еске салсақ, 18 маусымда Назарбаев университетінің студенті жатақханада өлі табылған болатын.