Танымал әнші Димаш Құдайберген Қырғызстанның халық әртісі атанды, деп хабарлайды KYN.KZ ақпарат агенттігі.

22 шілдеде Қырғызстанның Чолпон-Ата қаласында "Мейкин Азия" IV халықаралық музыка фестивалінің ғаламат финалы өткен.

Фестивальдің жабылу салтанатында Қырғыз Республикасы президенті Садыр Жапаровтың жарлығымен Қазақстанның халық әртісі, әнші және композитор Димаш Құдайбергенге "Қырғыз Республикасының халық әртісі" құрметті атағы берілді.

Димаш Құдайбергенге марапатты мәдениет, ақпарат және жастар саясаты министрі Мирбек Мәмбеталиевтің қатысуымен Қырғыз Республикасының Мемлекеттік хатшысы Марат Иманқұлов табыстаған.