Алматыдағы Әл-Фараби атындағы Қазақ ұлттық университетінің 14-қабатынан секіріп, қаза болған студент қызға қатысты тың дерек айтылды, деп хабарлайды KYN.KZ ақпарат агенттігі.

Алматы қалалық полиция департаменті баспасөз қызметінің хабарлауынша, өз-өзіне қол салған 2-курс студенті хат қалдырып кеткен. 

“Соңғы жазбасында мұндай қадамға баруына отбасылық жағдай себеп болғанын баяндаған”, - дейді тәртіп сақшылары. 

“Аталмыш дерек бойынша Бостандық аудандық ПБ ҚК 105-бабы бойынша қылмыстық іс қозғалып, болған оқиғаның толық мән-жайлары анықталуда. Алдын ала мәлімет бойынша 2-курс студенті әкімшілік ғимараттың 14 қабатынан секіріп түсіп, өкінішке қарай оқиға болған жерде жантәсілім етті”, - дейді Салтанат Әзірбек, қалалық ПД ресми өкілі.