Алматыда жасөспірім екі жасар баланы жерге лақтырып, қолын сындырды. Ол көшеден өтіп бара жатқан, деп хабарлайды KYN.KZ ақпарат агенттігі.

Оқиға кешкі уақытта тұрғын үйлердің бірінің ауласында болған. Бала анасының жанында ойнап жүрген. Алайда еш себепсіз жасөспірім оны көтеріп, жерге лақтырып жіберген.

Дәрігерлер баланың қолының сынғанын анықтады. Ал жасөспірімді полиция ұстамаған. Себебі ол кәмелет жасына толмаған.

Зардап шеккен баланың анасы бүлдіршіннің түнде ұйықтай алмай, жылайтынын айтады.

"Ол түнде жылайды, ұйықтай алмайды. Бірден полицияға арыз жаздым, бірақ әлі ешкім хабарласқан жоқ. Аудандық полиция бөліміне барғанда "Ол кәмелетке толмаған, сіз ештеңе істей алмайсыз" деді. 

Жасөспірімнің ата-анасы ем-дом шығынын да, моральдық өтемақыны да төлеуден бас тартты", – деді зардап шеккен баланың анасы Зарина Сапар.