Қазақстанда жаңа төлқұжат беріле бастады, деп хабарлайды KYN.KZ ақпарат агенттігі.

Ішкі істер министрлігінің мәлімдеуінше, барыстың суреті бар жаңа HDM-элемент азаматтардың жеке деректерін сақтап, жалған төлқұжаттың алдын алады.

«Бұрын берілген төлқұжаттар мерзімі өткенше жарамды болып қала береді. Оны жаңа төлқұжатқа ауыстырудың қажеті жоқ. Жаңа элементі бар төлқұжат ескі паспорттың мерзімі өткен кезде немесе жеке азаматтың өз қалауы бойынша беріледі», - деп түсіндірген ІІМ.

Жаңа элементі бар паспортты 5 мың азамат алып үлгерген.