Маңғыстау облысында бірден 7 сарбаздың жындыханаға жіберілгені анықталды, деп хабарлайды KYN.KZ ақпарат агенттігі. 

Бұл туралы aqtau_live жазды.

№99116 әскери бөлімінен бұған дейін хабарланғандай үш сарбаз емес, бірден жеті әскери қызметкердің “өзіне қол салу белгілері” бар деген күдікпен психиатриялық ауруханаға жеткізілгені белгілі болды. Барлығының білектерінен кесілген іздер анықталған.

Сарбаздардың үшеуі дәрігерлер бақылауында қалса, төртеуі психикалық ауытқуға байланысты анықтамалар беріліп, ата-аналарымен бірге үйлеріне қайтарылған.