Шымкент қаласында Ұлттық қауіпсіздік комитеті полиция жүйесіндегі жоғары лауазымды қызметкер ұсталды, деп хабарлайды KYN.KZ ақпарат агенттігі. 

Бұл туралы журналист Михаил Козачков мәлім етті. 

Алдын ала мәліметке сәйкес, Шымкент қаласының Әл-Фараби ауданы полиция басқармасының бастығы 20 миллион теңге көлемінде пара алу үстінде қолға түскен. 

Арнайы операцияны ҰҚК-нің Сыбайлас жемқорлыққа қарсы іс-қимыл қызметінің қызметкерлері жүргізген. 

Ресми деректерге сәйкес, аталған лауазымды қазіргі уақытта полиция полковнигі Батыр Мырзагелдиев атқарып отыр. Құқық қорғау органдары әзірге істің өзге мән-жайларына қатысты ресми түсініктеме берген жоқ.