14 қаңтар күні Алматы – Атырау бағытында  FS7202 ұшқан FlyArystan әуе компаниясының ұшағы әуежайға қону кезінде ұшу-қону жолағынан шығып кетті, деп хабарлайды KYN.KZ ақпарат агенттігі.

Сол уақытта ұшақ бортында жолаушылар болған.

“Қонғаннан кейін және ұшу-қону жолағын босатқан соң, рөлді тұраққа қарай бұрған кезінде әуе кемесі төмен жылдамдықпен жермен жүру жолынан шығып кетті. Бортта 166 жолаушы болды, олардың барлығы ұшақтан түсірілді. Жолаушылар мен экипаж мүшелері арасында зардап шеккендер жоқ”, — деп хабарлады әуе компаниясы.

FlyArystan компаниясының өкілдері жағдайды белгіленген тәртіпке сәйкес тергеп-тексеру үшін әуежай қызметтерімен және авиациялық билік өкілдерімен бірлесіп жұмыс істеп жатқанын хабарлады.