Сәуір айында қазақстандықтардың қанша күн демалатыны белгілі болды, деп хабарлайды KYN.KZ ақпарат агенттігі.

Биыл сәуірде аптасына бес күн жұмыс істейтін қазақстандықтар 8 күн демалады. 1 сәуір күлкі күні болғанымен, ресми демалыс болып белгіленбеген.

Алдағы айда мереке күндері жоқ. Сол себептен барлық демалыс күні сенбі және жексенбіге келеді. Сәуір — 2026 жылғы ақпан, маусым мен шілде айлары секілді демалыс күндері ең аз айлардың бірі.

Айта кетсек, Қазақстан Еңбек және халықты әлеуметтік қорғау вице-министрі Виктория Шегай 2026 жылы 30 тамыз демалыс күні болмайтынын атап өтті.  Себебі Конституция күні енді 15 наурызда атап өтілетін болады.