Жақында тұрмысқа шығатынын айтып, сүйінші сұраған дзюдошы Абиба Әбужақынова мансабына қатысты мәлімдеме жасады, деп хабарлайды KYN.KZ ақпарат агенттігі.

Спортшының жанкүйерлері оның мансабын аяқтайтын және 2028 жылғы Лос-Анджелес Олимпиадасына бармайтынын айтып, алаңдаған.

Алайда Абиба Әбужақынова спорттан әзірге кетпейтінін айтты.

"Мен әлі спорттан кеткен жоқпын, тағы 3-4 жыл күресемін, ИншаАллах. 2028 жылғы Лос-Анджелес Олимпиадасына барамын", – деп жазды ол сторисінде.

Сондай-ақ, ол жеке өміріне қызығушылықтарын білдірген оқырмадарына да жауап берді.

“Жеке өмірім туралы еш жерге айтқым келмейді. Тек бұл жайлы өзімнің инстаграм парақшамда ғана хабарлаймын”, – деді Абиба Әбужақынова.

Қазіргі уақытта жарақатына байланысты ем қабылдап жатқанын мәлімдеді.

Айта кетейік, Абиба Әбужақынова дзюдодан Қазақстан тарихында әлем чемпионатының финалына шыққан алғашқы қазақ қызы.