Белгілі әнші Гүлнар Сиқымбаеваның жалғыз ұлы жоғалып кетті, деп хабарлайды KYN.KZ ақпарат агенттігі.

Бұл туралы журналист Жазира Бегалы желідегі парақшасында жариялады.

«Бір аптадан бері Баирдан хабар жоқ. Дауысы ерекше, көрікті , таланты, Қазақстанның Еңбек сіңірген әртісі Гүлнар Сиқымбаеваның жалғыз ұлы екен. Енді Баир қайда жүр екен? Келіншегі журналистерден көмек сұрапты. Менің қырағы оқырмандарым, әншінің жалғыз ұлын бірге іздейік. Мына ақпаратты бөлісіңіздер , көпшілікке таратып, суреттегі азаматты көрсеңіздер хабарласыңыздар деп жұдырықтай жұмылып іздейікші», - деп жазды ол.

Айта кетсек, әнші Гүлнар Сиқымбаева екі жыл бұрын 63 жасында дүниеден озған болатын.

Гүлнар Сиқымбаева Түркістан облысы Төлеби ауданы Майбұлақ ауылында туып-өскен. 1985 жылы Гүлнар Сиқымбаева «Гүлдерге» қабылданып, өнер көрсеткен. Қазақ, орыс, түрік, тәжік тілдерінде ән шырқаған. Қырғызстан және Қазақстан Республикасының еңбек сіңірген әртісі.