Өскемендегі "Казмырыш" зауытындағы жарылыстан зардап шеккен тағы бір адам ауруханада көз жұмды, деп хабарлайды KYN.KZ ақпарат агенттігі.

"Казмырыш" 5 мамырда Өскемен металлургия кешенінде болған жазатайым оқиға салдарынан ауыр жарақат алып, зардап шекен қызметкерлердің бірі бүгін түнде ауруханада көз жұмғанын қайғыра отырып хабарлайды", - делінген компания хабарламасында.

Компания марқұмның жақындарына және барлық қызметкерлерге қажетті қолдау көрсетіліп жатқанын мәлімдеді.

Алаңдағы салдарды жою жұмыстары мен мемлекеттік органдармен бірлескен тергеу амалдары жалғасып жатыр.

Еске салсақ, 5 мамырда таңертең Өскемендегі зауыттан өрт шығып, тұрғындарды будақтаған түтін шошытқан болатын.