Белгілі әнші Айгүл Иманбаева бір кездері діни ағымның ықпалына түсіп кете жаздағанын айтты, деп хабарлайды KYN.KZ ақпарат агенттігі. 

Бұл туралы журналист Назира Байырбекова берген сұхбатында айтқан.

2000-2001 жылдары Қазақстанға түрлі діни ағымдар көптеп келе бастаған кезеңде бір топтың ықпалына түскен.

«Кейін оның топ екенін, ағым екенін түсіндім. Біраз ұстаздарымыздың ықпалымен ол ортадан шықтым. Сол кезде өзіме: “Жаратушымды тану үшін міндетті түрде тұмшалануың керек пе?” деген сұрақ қойдым», – деді ол.

Оның сөзінше, орамал тағу – үлкен жауапкершілік пен ішкі дайындықты қажет ететін шешім.

«Мен имамдарға қарағанда ғалымдар мен теологтардан білім алғанды жөн көремін. Бірақ түптің түбінде менің орамалға келерім анық», – деп түйіндеді Айгүл Иманбаева.