Ақтөбе облысында эвакуациялық бекет деп танылған және суға кеткен немесе суға кету қаупі бар мектептерде сабақ қашықтан ұйымдастырылады, деп хабарлайды KYN.KZ  тілшісі.

Ақтөбе облыстық білім басқармасының басшысы Жайық Сұлтан 1 сәуірде оқу процесінің қалай ұйымдастырылатынын хабарлады. 

— Эвакуация пунктері ретінде қызмет етіп жатқан білім беру ұйымдарында оқу процесі — қашықтан, ал басқа су қаупі төнбеген мектептерде сабақ қалыпты жағдайда өтеді, — деді ол. 

Онда барлығы 3 мыңнан астам адам бар болса, оның тең жартысы — бала.

Сонымен бірге суға кеткен және суға кету қаупі бар мектептер тізімінде Ойыл ауданында 14, Темірде 5, Қобдада 6, Хромтауда 2 мектеп бар. 

Естеріңізге салсақ, бұған дейін Ақтөбе облысының Қобда, Мұғалжар, Темір ауданында және Ақтөбе қаласында төтенше жағдай жарияланғанын жазған едік.