Қырғызстанда балмұздақ тиелген көлік 29 оқушыны қағып кетті. Олар ашық аспанда “Манас" эпосын орындап жүрген. Қазіргі кезде 7 адам жансақтау бөлімінде жатыр, деп хабарлайды KYN.KZ ақпарат агенттігі Kaktus басылымына сілтеме жасап. Апат салдарынан 9 бен 16 жас аралығындағы 29 орта мектеп оқушысы әртүрлі ауыр жарақаттарымен ауруханаға жеткізілген. Денсаулық сақтау министрлігінің мәліметінше, жеті бала Жалал-Абад облыстық балалар ауруханасының жансақтау бөліміне жатқызылды, үшеуінің жағдайы ауыр. Облыстық полиция департаменті бұл дерек тіркеліп, қазір тергеу амалдары жүргізіліп жатқанын хабарлады.  Төтенше жағдай кезінде жүргізуші көлікте болмаған. Сондықтан алдын ала абайсызда жасалған қылмыс ретінде бағаланатынын атап өтті. Ол жүк көлігін тоқтатқан. Алайда, көлік тежегіштен тайып, таудың баурайымен төменге жүріп кеткен. Қазір ауруханада 18 бала мен жасөспірім жатыр.11 адам оқиға орнында тексеріліп, амбулаторлық емдеуге жіберілді.