Семейде өртенген қоқыс жәшігінен шамамен дүниеге келгеніне бір күн болған сәби табылды. Бұл туралы ақпарат әлеуметтік желілерде пайда болды, деп хабарлайды KYN.KZ ақпарат агенттігі.

Оқиғаны прокуратура растады. Жергілікті тұрғындар күндізгі уақытта өртеніп жатқан қоқыс жәшігін байқаған. Өртті сөндіру кезінде қоқыстың ішінен сәби шыққан.

«Абай облысының прокуратурасы аталған факті бойынша сотқа дейінгі тергеуді арнайы бақылауға алды», - деп түсіндірді ведомство.

Қоқыс жәшігінде өртке оранып, ішінара күйіп қалған жаңа туған қыз бала кешкісін қайтыс болды. Семей қаласының дәрігерлері сәбиді құтқара алмады. Сәбидің денесінің шамамен 80 пайызы күйіп қалған. Биологиялық анасын полиция қызметкерлері мен прокурорлар іздестіруде.