Қосылған құн салығы 2026 жылдың 1 қаңтарынан бастап күшіне енеді. Бұл туралы премьер-министрдің орынбасары – ұлттық экономика министрі Серік Жұманғарин айтты, деп хабарлайды KYN.KZ ақпарат агенттігі Orda.kz.  сайтына сілтеме жасап.

«Заң әлі күшіне енген жоқ. Егер ол қабылданса, 2026 жылдың 1 қаңтарынан бастап күшіне енеді. Қазақстандықтарға оның әсері тек 2026 жылдың наурызында, төлем мерзімі келгенде болады. Біз бизнес үшін әлдеқайда қолайлы жағдайлар жасаймыз. Мен қорытынды жасауға асықпас едім», - дейді шенеунік.

Қосылған құн салығының мөлшері 16 пайыз болады. Ауыл шаруашылығы өнімдерін өндіретіндер салықтың аталған түрінен толықтай босатылады. Қосылған құн салығына денсаулық сақтау, IT, туризм, креативті индустрия және азық-түлік өндірісі үшін 10 пайыздық төмендетілген мөлшерлеме ұсынылды.