Сәтжан Аблалиев көлік вице-министрі қызметінен босатылды, деп хабарлайды KYN.KZ тілшісі.

Бұл ақпаратты Үкіметтің баспасөз қызметі растады.

Вице-министр Сәтжан Аблалиевтің пара алып жатқан жерде ұсталғаны туралы ақпарат тараған болатын.

"ҰҚК-нің Сыбайлас жемқорлыққа қарсы қызметі пара алды деген күдікпен көлік вице-министрін ұстады және ол сот санкциясымен қамауға алынды", – делінген ведомство хабарламасында.

ҰҚК көлік вице-министрінің ұсталған сәті түсірілген видеосын жариялады. Кадрларда құқық қорғау органдарының қызметкерлері шенеунікті көшеде тоқтатып, кейін оның үйінде тінту жүргізіп жатқаны көрінеді. Тергеу барысында вазадан ірі көлемде қолма-қол ақша тәркіленген.