Алматыда 17 жастағы қызды шетелдік студент зорламақ болды деген ақпарат шықты, деп хабарлайды KYN.KZ ақпарат агенттігі. 

Бұл туралы желіде алматылық әйел мәлімдеді.

Айтуынша, оқиға желтоқсан айының соңында қала орталығында, үйлерінің жанында болған. Емтиханнан кейін үйге қайтқан қызға шабуыл жасаған. Қыз мүгедектігі бар және паллиативті күтімде екенін анасы айтады. 

Сол күні ол ауырып қалған соң қызының қасында бола алмаған. Қызы қорыққанынан көмекке шақыра алмай қалған. 

Әйелдің айтуынша, күдікті Алматыдағы жоғары оқу орындарының бірінің студенті.

Полиция аталған адамның жеке басын анықтап, ұсталғанын хабарлады. Қазір оқиғаның мән-жайлары толық тексеріліп жатыр.