Түркістанда түн ішінде орын алған жол апатынан патрульдік полиция батальонының аға инспекторы Бауыржан Қонысбеков мерт болды, деп хабарлайды KYN.KZ ақпарат агенттігі.

Желіде оқиға орнында түсірілген видео тарады. Қайғылы жағдай туралы Ішкі істер министрі Ержан Сәденов мәлімдеді. Оның айтуынша, полицей қызметтік міндетін атқару кезінде қаза тапты. 

“Қызметтік міндетін атқару кезінде қаза тапқан Түркістан қаласы полиция басқармасы патрульдік полиция батальонының аға инспекторы, капитан Бауыржан Қонысбековтың туған-туыстары мен жақындарына көңіл айтамын. Ішкі істер министрлігі марқұмның отбасына жан-жақты қолдау көрсетеді”, – делінген жазбада.