Бүгінгі күннің нағыз батырына айналған Ержан Амархановқа бүкіл қазақстандықтар ерекше құрмет көрсетіп, ерлігін жоғары бағалауда.

Оның жасаған батырлығы ешкімді де бей-жай қалдырмады. Тіпті, ресейліктер оған қоңырау шалып, су жаңа автокөліктің кілтін сыйға тартатындарын уәде етіпті.

Осы ретте, Семей қаласының әкімі Ермак Сәлімов те бейбіт күннің батырымен кездесті.

Қала басшысы  өрт кезінде ерлік танытқаны үшін Ержанға зор ризашылығын білдірді.

Көлік алуға деп жинаған қомақты қаржысының жанып кетуіне байланысты, жергілікті кәсіпкер, «Гордорстрой» ЖШС директоры Бауыржан Қайрамбаев 1 миллион теңгені өз қолымен Ержан Амархановқа табыс етті.