Семейде қоғамдық көлік жүргізушілеріне жалақыны 40%-ға көтеруге уәде берілді. Соған қарамай олар ереуілге шықты, деп хабарлайды KYN.KZ. «Семавтопарк» ЖШС және «Автотранс Семей» ЖШС жүргізушілері автобус паркінің жұмысын тоқтатып, жұмыстан біржола бас тартты. Ереуілшілер жүктемені азайтуды және жалақыны көбейтуді талап етті. Автобус паркінің басшылығы жалақы төлеу бойынша қарызы жоқ екенін, ақпан айынан бастап жалақыны көтеру мәселесі қарастырылғанын хабарлады. «Семей қаласының әкімдігі дереу әрекетке көшті, тәртіп бұзушылыққа жол берген қызметкерлермен әңгіме жүргізді, автобус паркінің басшылығына бұдан былай мұндай жағдайға жол бермеуге, жол берілген жағдайда заңнама шеңберінде белгіленген жауапкершілікке тартуға ұсыныстар берілді», – делінген қала әкімдігінің мәлімдемесінде.