Синоптиктер 5, 6 және 7 қараша күндері Қазақстанда ауа райының қандай болатыны жөнінде болжам жасады, деп хабарлайды KYN.KZ тілшісі.

Болжам бойынша, Қазақстанның басым бөлігінде тұрақсыз ауа райы күтіледі: жаңбыр мен қар түріндегі жауын-шашын болады. Сонымен қатар көктайғақ, боран, екпінді жел, тұман болжануда.

5 қарашада батыста, 6-сы солтүстікте, 7 қарашада шығыста, оңтүстікте, оңтүстік-шығыста қатты жауын-шашын күтіледі. Тек солтүстік, солтүстік-батыс өңірлерде 5 қараша күні жауын-шашынсыз ауа райы болжанады.

«Шығыста, оңтүстікте, оңтүстік-шығыста мерзімнің соңына қарай ауа температурасының төмендеуі күтіледі: түнде 3 градус аяздан 5 градус жылылыққа дейін, таулы аймақтарда 8 градус аязға дейін, күндіз 0-ден 7 градусқа дейін жылылық, таулы аймақтарда 2 градус аязға дейін», – делінген хабарламада.