Жаңаөзенде орталық мешіттен өрт шығып, 12 жасар баланы күйік шалған, деп хабарлайды KYN.KZ ақпарат агенттігі.

Жалын мешіттің жаңадан салынып жатқан кіреберісінен тұтанған. Өрт кешкі сағат алты шамасында басталған. Салдарынан өрттен 12 жасар бала күйіп қалған. Жеткіншек ауруханаға жеткізілді. 

Жаңаөзендік дәрігерлердің айтуынша, баланың денесінің 17 пайызын күйік шалған. Беті, құлағы, жоғарғы тыныс алу жолдарынан бастап, беліне дейін от шарпыған. Қазір жағдайы тұрақты.