Құқық қорғау органдары барлық кінәлі адамды, оның ішінде кәмелетке толмағандарды да анықтап, ұстады
Теміртау қаласында қала бұзақылары 67 жастағы зейнеткердің үйіне кіріп, қарияны ұрып соққан, деп хабарлайды KYN.KZ ақпарат агенттігі.
Оқиға бойынша қылмыстық іс қозғалды. Бұл туралы видео желіде тарап кеткен болатын.
Тұрғындардың айтуы бойынша, бұзақылар өздерін электрик деп таныстырып, зейнеткердің үйіне басып кірген. Олар қарияның әлсіздігін пайдаланып оны ұрып соғып видеоға түсірген. Қария жалғыз тұрады, жақындары қайтыс болған.
Құқық қорғау органдары барлық кінәлі адамды, оның ішінде кәмелетке толмағандарды да анықтап, ұстады. Олар уақытша ұстау изоляторына қамалды.
Ал жасөспірімдердің ата-аналары мен заңды өкілдері бала тәрбиесіне немқұрайлы қарағаны үшін жауапкершілікке тартылуы мүмкін. Ал жасөспірімдердің өздері профилактикалық есепке алынды.
Ұқсас жаңалықтар
