Мәжіліс кулуарында ішкі істер вице-министрі Санжар Әділов Шавкат Рахмоновтың әйеліне қатысты жол апаты бойынша іс жақында сотқа жолданатынын мәлімдеді, деп хабарлайды KYN.KZ  ақпарат агенттігі.

Айтуынша, жол-көлік оқиғасына қатысты іс аяқталуға жақын.

"Жол-көлік оқиғасына қатысты іс аяқталуға жақын. Осы аптада сот-медициналық сараптаманың қорытындысын аламыз деп күтіп отырмыз, содан кейін күдікті тұлғаның әрекеттеріне баға беріп, прокуратура арқылы сотқа жібереміз", - деді ішкі істер вице-министрі.

Айта кетсек, 28 шілдеде желіде Жамбыл облысында жол апаты болып, оқиға орынанан видео тарады.  Жазбада "көлікті белгілі қазақстандық аралас жекпе-жек шебері Шавкат Рахмоновтың әйелі жүргізді" деген ақпарат пайда болды. Полиция бұл ақпаратты ресми түрде растамады – олар көлікте болғандардың жеке деректерін жариялаған жоқ.

Алайда адам өліміне әкеп соққан жол-көлік оқиғасы бойынша Қылмыстық кодекстің 345-бабы бойынша іс қозғалған. Тергеу амалдары жүргізіліп жатыр.