Астанадағы ауруханада ем қабылдау кезінде 9 айлық сәби күйік алған. Бұл туралы ақпарат әлеуметтік желіде тарады, деп хабарлайды KYN.KZ ақпарат агенттігі.

Сәби пневмония диагнозымен №3 қалалық жұқпалы аурулар ауруханасына жансақтау бөліміне жатқызылған. Әйел медициналық қызметкерлердің салғырттығы салдарынан баланың аяғы күйіп қалғанын мәлімдеді.

Әйел медициналық қауіпсіздік талаптары сақталмағанын, сәбидің жағдайына тиісті бақылау болмағанын айтады. Ресми тексеру жүргізіп, кінәлілерді тәртіптік және өзге де жауапкершілікке тартуды талап етеді.